%20(200%20x%2055%20cm)(1).png)
Magischi Gspröch
FÜR INTROVERTIERTI FRAUE
Fahrsch du mängisch im Auto hei, losisch dini Lieblingsmusig, d'Träne laufed der abe und du weisch gar ned so rächt wieso?
-
Velech wäg dem Typ, wo der so guet hesch chöne en Zuekonft mit ihm vorstelle, wod dänkt hesch "är esches etz werkli". So vel driigäh hesch... aber eifach weder mimne brochne Härz eleige do stohsch. 💔
-
Velech wel irgendwie eifach ke Plan hesch, was du eigentli uf dere Chugle do selsch? 🤷🏻♀️
-
Velech wel gfühlt all um dech ome Hürote oder Chind bechöme ond du gar nüm dra glaubsch, jemols no en Partner fürs Läbe z'finde? 💍
-
Velech wel die Fründschafte, wo der so wechtig send, sech veränderid oder am usenandgheie sind? 🪦
-
Velech wel du so öpis wie Panikattacke, Angstzueständ, Unrueh gspürsch wo ned weisch was das esch oder sel? 🌪️
Ech verstoh di mega guet. Wel alles i dere Liste zu mim Läbe ghört het, au wenns nach usse immer so usgseh het, als ob ich alles so mega im Griff ha.
I dere Ziit hanich mich so vel nachere Person und emne Ort gsehnt, woni cha häre go und mi werkli gseh und verstande fühle. Woni geborge bi, cha truure, heile, aber au wachse und vorwärts luege. Aber ech ha dä Platz für mich nie gfunde.
Nach vielne Jahr vo Usbildige, Wüssensaeignig und aber vorallem minere Heilig und Entwicklig - darfi jetzt die Person wo mer gfählt het, für anderi Fraue sii.
Velech beni die Person au för dech? Finds gärn use - uf minere Website, mim Instagram oder persönlich bimne Termin.
MET WAS CHANI DECH ONDERSTÖTZE?
eusne Wort
Wie vel laufe mer dord Strosse ond niemer erkennt i eusne Auge, all die Störm wo i eus wüeted. Mer redid ond niemer ghört d'Stilli hinder eusne Wort...bis mer ergendwenn ganz verstommid und met de Schwäri i eusem Härz eleige blibed.
Mer hends Gfühl, dasmer zu empfindlich send, dass eus mängisch au nur chlini Sache so verletzed. Ond mängisch merke mer gar nöm, dass die Sache ned chlii send, wel mer eus de eignig Wärt ned bewusst send ond kes Gfühl me deför hend, wie normale Respäkt und Wärtschätzig wörd usgseh.
D'STILLI HINDER
